პროგრამა „ბუღალტრული აღრიცხვა სასტუმრო ინდუსტრიისთვის“ წარმოადგენს მოკლევადიან, პრაქტიკაზე ორიენტირებულ საგანმანათლებლო კურსს, რომელიც მიზნად ისახავს სასტუმრო სექტორისთვის საჭირო საბუღალტრო კომპეტენციების განვითარებას. პროგრამა შემუშავებულია შრომის ბაზრის მოთხოვნების გათვალისწინებით და ფოკუსირებულია რეალურ სამუშაო პროცესებზე.
კურსის ფარგლებში მსმენელები ეცნობიან სასტუმრო ბიზნესის ფინანსურ სპეციფიკას, სწავლობენ შემოსავლებისა და ხარჯების აღრიცხვას, მომსახურების თვითღირებულების გაანგარიშებას, ინვენტარიზაციის პროცესს, მატერიალური მარაგების კონტროლსა და ფინანსური ანგარიშგების მომზადებას. სწავლება ეფუძნება პრაქტიკულ სავარჯიშოებსა და ქეისებზე მუშაობას, რაც უზრუნველყოფს მიღებული ცოდნის პირდაპირ გამოყენებას პროფესიულ საქმიანობაში.
პროგრამა განკუთვნილია 18 წელს ზემოთ პირებისთვის, რომლებიც დაინტერესებულნი არიან სასტუმრო ინდუსტრიაში საბუღალტრო მიმართულებით დასაქმებით ან საკუთარი საქმიანობის განვითარებით.
პროგრამის ხანგრძლივობა: 20 საათი
კურსის წარმატებით დასრულების შემდეგ გაიცემა BN Academy-ის სერტიფიკატი, რაც ადასტურებს მსმენელის პროფესიულ მზაობას სასტუმრო სექტორის საბუღალტრო პროცესებში მონაწილეობისათვის.