ბუღალტრული აღრიცხვის სასწავლო პროგრამა მიზნად ისახავს სტუდენტებისთვის ბუღალტრული აღრიცხვის საბაზისო ცოდნისა და პრაქტიკული უნარების განვითარებას. პროგრამა მოიცავს ბუღალტრული აღრიცხვის ძირითად პრინციპებს, პირველადი დოკუმენტების შევსებას, სამეურნეო ოპერაციების აღრიცხვას, აქტივებისა და პასივების კლასიფიკაციას, შემოსავლებისა და ხარჯების ასახვას.
სწავლების პროცესი დაფუძნებულია პრაქტიკულ მაგალითებსა და სავარჯიშოებზე, რაც სტუდენტებს საშუალებას აძლევს რეალურ სამუშაო გარემოსთან მაქსიმალურად მოახლოებულ პირობებში განავითარონ პროფესიული კომპეტენციები. პროგრამის დასრულების შემდგომ კურსდამთავრებულები შეძლებენ საბაზისო ბუღალტრული ამოცანების შესრულებას და დასაქმებას საწყისი დონის ბუღალტრის ან დამხმარე სპეციალისტის პოზიციაზე.
ძირითადი ინფორმაცია:
- ხანგრძლივობა: 50 საათი
- პროგრამა ღიაა ყველა მსურველისთვის, ვისაც ბუღალტრის პოზიციაზე მუშაობის დაწყება სურს.
პროგრამის წარმატებით დასრულების შემთხვევაში გაიცემა BN Academy-ის სერტიფიკატი, მინიმუმ 80%-იანი დასწრებისა და პრაქტიკული მინი-გამოცდის ჩაბარების საფუძველზე.